有窮人恩物之稱營多撈麵係好多人糧尾救星，不過除咗唔健康，原來仲會破壞印尼雨林！營多撈麵所屬嘅Indofood係印尼最大嘅食品企業之一。綠色和平嘅調查報告話，Indofood喺印尼加里曼丹嘅棕櫚種植園，曾經廣泛摧毀森林同紅毛猩猩家園。大家食緊嘅營多撈麵，成份就包括棕櫚油。咁樣計，食撈麵算唔算間接破壞雨林？
綠色和平資深項目主任馬子琪話，部份公司以伐木燒林、清空土地方式，開發棕櫚種植園。Indofood除咗摧毀雨林，仲涉及僱用童工、虐待工人。馬子琪又話，標榜可持續發展嘅匯豐銀行仲涉及貸款、發行公司債券畀Indofood同佢嘅母公司The Salim Group，金額高達89億。