一個唔夠錢退休嘅人，老咗會變成點樣？
VISA出咗個叫「財務水晶球」嘅手機應用程式（APP），話畀你知，若一早儲錢準備退休，就可以保持皮光肉滑靚靚仔仔。如果唔儲錢，老咗會面黑黑，滿臉皺紋，一望就知生活潦倒，驚嚇程度頗高，嚇到人即刻決心儲番啲錢㗎。
財務水晶球首先會要求你自拍，然後答6條問題，包括目前年齡、計劃退休年齡、預計退休年期、現時儲蓄額、每年儲蓄額、預期退休金回報率等。
如果你好後生，有排先退休，儲蓄額高，又估計退休後唔會大使，咁就老咗都唔使愁，張相亦皮光肉滑；否則個樣就會幾恐怖，成粒酸梅咁，好得人驚。
VISA港澳區一姐戴嘉倩（Caroline）就話，個App主要係想啟發年輕人及早作出理財規劃，下月會同全港中學生做推廣。佢呢種啟發年輕人嘅方式確係特別。