內地星級學者郎咸平個仔幾靚仔喎！家夢控股（8101）噚晚宣佈成立新新傳媒，同時宣佈委任郎咸平個仔郎世傑做新新傳媒行政總裁（CEO），兩父子因而一齊現身香港。
新新傳媒計劃做中港網紅生意，佢個仔做話事人，郎咸平應該做啦啦隊，不過言語間，郎教授好似唔多睇好網紅經濟。
佢指，網紅只係一個短期現象，不能靠培養，都係突然爆發。香港網絡以facebook為主，跟內地有好大差異，好難向內地推銷網紅。
郎咸平亦唔睇好今年股市，指今年會有好大波動，要買股就要快入快出，如果有100萬在手，今年應該去美國買樓。
講番佢個仔，現場冇乜資料提供，但根據大中華金融（431）年報，郎世杰年約30歲，獲密歇根大學通識學學位，乃「郎基金」創辦人之一，曾做過大中華金融非執董年半左右。