即將卸任世衞總幹事嘅陳馮富珍雖然話過唔選，但唔少人依舊扒冷，唔排除雞珍係會喺雞年接任特首，咁又唔怪得大家遐想多，皆因國家主席習近平到瑞士國事訪問期間會到訪世衞同雞珍見面。
雞珍接受央視訪問時話呀，「聽到習主席要來訪問世界衞生組織，我很激動，很感激他對世界衞生組織的支持」，仲提到《習近平談治國理政》一書，話喺書中獲益良多。雞珍話呀，感覺到習大大係一個好有遠見、好有魄力兼好有領導才能嘅人，「說到做到」，仲憶述2013年會見習大大時，提到自己有個「中國夢」，喺2017年退休回國後，希望住喺一個有家庭醫生照顧嘅地方，「做得到小病不到大醫院，解決看病難，看病貴的問題」，引述當時習大大回應話，一定會培訓更多家庭醫生喎。