【《蘋果》專訪】苟芸慧（苟姑娘）減肥成功，又離開無綫，還即將成為香港永久居民，感到很開心的她忽發奇想，計劃推出全新相集，記錄她由入行以來，以及患病三年的心路歷程，給大家一個正面的訊息。而最近她接受了一個新挑戰，為雜誌影了一輯性感喱士睡衣相去證明自己不再是「肥苟」，是「索苟」，前日她接受本報專訪時說：「真係冇諗過因為一輯相，跟住大家好似又記番我係邊個咁樣，我覺得今年我係有少少幸運。」
傳最重達170磅
三年前苟姑娘因壓力引致甲狀腺失調，傳聞體重由115磅急升至170磅，從此被冠以「肥苟」之名，而患病主因，有傳是因為天王郭富城，當時苟姑娘被指介入城城和熊黛林的戀情，苟姑娘受不了輿論壓力，身體開始失調及暴脹，她說：「我就唔怪任何人嘅，係自己睇唔開，或者諗唔明，但呢啲係生命中發生嘅事，係好好經歷，令自己更加懂得處理自己心態。」除了城城和熊黛林，苟姑娘同樣被指介入緋聞男友陸漢洋和前主播張頌恩的感情，多次被指是第三者，她在此鄭重澄清：「我可以好光明正大、好大聲咁話，我冇做過第三者，冇對人唔住。」
提到新相集概念，「肥苟」不會再出現，苟姑娘表明靚可以冇底線，她說：「我反而想用art嘅手法去表達，未必一定要攞番舊相出嚟，講真以前肥嘅相好多㗎啦，哈哈！唔使刻意攞出嚟。」她出書旨在發放正能量，底線不是主要考慮問題：「其實已經搵咗個art director，佢之前幫人影過全nude嘅相，係拍得幾靚同有啲meaning，喺呢個moment我唔係特別抗拒。」
採訪：嵐山
