【本報訊】年輕人想買樓，惟有起跑在投胎！東九龍新盤啟德1號2期一位富爸爸，昨以逾一千萬元買入一個兩房單位予子女，幫手畀一半首期即500萬元。該富爸爸更打趣說，年輕人想買樓，「最緊要識投胎」，有個富爸爸就得，以比喻目前超高樓價下年輕人難置業情況。
記者：朱連峰
近年樓市多達兩成年輕客買樓，都是靠「富爸爸、富媽媽」畀首期上車。原因是樓價太貴，如父母不出手相助，他們根本沒有能力買樓。啟德1號2期昨發售首批188伙，平均呎價逾1.7萬元，最平一房單位也逾600萬元，兩房更逾800萬元，部份年輕人靠父母畀首期才買得起，首批即日沽清，市傳近20組客各買兩伙。
即日加價加推122伙
啟德1號2期昨晚加推122個單位，包括不同戶型、座向及景觀的單位，撇除這些因素，實際加幅約2%。
將軍澳業主陳先生昨天與仔女一齊揀樓，抽中45號前籌，成功以約一千萬元買入一個兩房單位自住，物業落仔女名買，（這樣做是慳稅？），「當然啦」，因他本身擁有物業，買多間須付15%印花稅。（層樓送給他們及幫手畀首期？），「諗都諗到啦，大家用吓個腦都諗到」，只做一半按揭首期付500萬元，但層樓就由他們自己供，月供兩萬樓下。其子女未夠30歲，已投身社會工作。
他寄語年輕人，買樓要快手，否則蝕底只是自己；買樓亦應循序漸進，他買過四次樓，首次買樓時，先買一房賺第一桶金，否則連第一桶金也不賺如何起步，之後再換「兩房三房四房」。對於加息，買過四次樓的陳生指絕對不擔心，「我雙位數都咁供」，即逾10厘息他都供過樓，「而家二點幾厘咋，真係好濕碎，你睇你哋幾幸福」。最重要的是，當買樓後，人便會努力工作，否則「唔買樓個人只會一直hea」，買樓後，人便變得有責任感，「早啲唔hea幸福就係自己」。
有傳媒打趣說，現在買樓先決條件是要有一個像陳先生一樣的富爸爸，他笑言「係」、「最緊要識投胎」。
網民：有這個爸就好
陳生的「買樓投胎論」成市場熱話。有網民指「原來𠵱家已經唔止要贏在射精前，仲要贏在投胎前」、「是的，有這個爸就好」。有網民則指「假借仔名義但炒樓?」，有人亦覺得風氣不健康。
中原陳永傑表示，近年一手樓市約有兩至三成年輕客買樓是靠上一代。他們並非富二代，因父母長期居於公屋，住屋成本較低，多年來累積一定積蓄，便幫助付首期。他指其一名70歲親戚，其35歲大學畢業工程師兒子想買樓，但沒有首期，父親畀逾300萬元首期買樓。