【中環ifc】商台DJ兼金牌主持森美出道多年，對自己的私生活一直保持低調，其實43歲的他，與曾做過童星的太太陳雅嫻（Veronica）已結婚14年，育有一子一女，長子已經14歲，細女9歲。前日本報在中環ifc發現森美一家四口行街，享受家庭樂。
前日下午約4時，首先見到森美帶着兒子在ifc逛街，見兩父子一時行來行去，一時又站在一邊聊天，森美更向兒子示範怎用手機，滔滔不絕講解。兩父子似乎沒有特定目標，見兩人都是百無聊賴閒逛，後來走到一間錶行睇錶，不過未有心水，兩父子又空手走出來，森美似乎是在等人。
「太太幾忍得」
果然過了不久，森美的太太Veronica帶着女兒現身，一家四口會合後，就行出ifc對出的天橋，雖然天氣有些清涼，森美好man地拖着太太行，而Veronica流露出一副冧樣。
森美昨日在電話中表示：「呢輪放假得閒，小朋友又考完試，咪帶佢哋出嚟行下街囉！到3、4月要開劇《跨世代》，一開工就會好忙，family man係咁樣㗎啦！」問他結婚14年依然如此恩愛，有何秘訣？他笑說：「咁要問我太太，我做得差啲，佢容忍我多啲，佢可以容忍我咁多年，係佢犀利，作為一個男人，夫妻之道就係揀啱一個能容忍自己嘅女人，佢都幾忍得，所以咪可以維持到咁耐囉！」
採訪、攝影：羅德光、皓騫
