【本報訊】34歲單車手「阿Dee」謝國平（圖）在大欖越野單車徑失控飛墮20米山坡，他留院10日後傷勢好轉，更拍片感謝網友協助及自勉：「會畀心機一步一步好番起嚟！」適逢昨天是他結婚7周年紀念，謝太準備了藍莓蛋糕一直陪伴左右，她對阿Dee說：「永遠咁愛你，等你返屋企！」而一眾車友發起網上募捐，協助他們解決經濟難關。
按摩腳部有輕微感覺
意外中，阿Dee頸椎、胸骨及脊椎均有骨裂，脊椎骨裂更壓着神經線，令他雙腳不能移動，一直在東區醫院留醫。他近日在facebook上載逐漸康復的片段，更透露：「（自己）隻腳唔郁得，上咗個夾，頸戴咗個固定嘅箍，因為頸做唔到手術」，又指「過多一星期尾龍骨將會拆線，入面做咗手術打咗20幾口螺絲」，料屆時可轉往沙田醫院養傷。
阿Dee在片段中多謝各方朋友支持：「行得番，影番多啲單車嘅靚片畀你哋（朋友），等你哋可以欣賞吓！」謝太對丈夫逐漸好轉也稍感安心，她稱阿Dee腳部接受按摩時已有輕微感覺，「希望佢可以慢慢行番」。而一眾單車友在facebook發起募捐，專頁名為「單車仔撐阿Dee」，自周一（9日）成立至今最少募得逾6萬元。
■記者朱雅霜