【本報訊】兄弟同心，57歲的四弟余錦材，是余錦華口中的好幫手。做了逾30年公務員，退休後回工場，半世紀過去，身邊仍是那班老夥計。六個人摩打手，互相補位。「賺嘅係心機錢，對比起我爸爸嘅年代，已經好好多，至少有碎肉機，以前連豬肉都要自己切」。
絞肉後用秘製醬汁調味、把肉醬灌進預先浸好豬腸衣、用針板刺孔排氣及多餘水份，以水草把腸分成均等，再用麻繩把臘腸索成一對，然後清潔乾淨掛上竹，入電爐後定時定候轉竹……每個步驟，一絲不苟。「細個天未光就去街市幫手攞豬肉返工場，老竇喺街市見唔到人，天冧都似」。貴為太子爺，材哥說一樣要做苦力送貨一腳踢。
上一代臘腸工場大多家庭式經營，「呢度啲師傅，個個走難落嚟，工場辛苦工時又長，但人工高過出面，又包伙食，唔怕請唔到人」。時移世易，由人浮於事到無人願入行；由小量天台生曬到用炭爐到自動化電爐取代，錦祥記，見證不同時代，可惜貨真價實的香港製造，卻已走到黃昏。
■記者呂麗嬋