【本報訊】觀塘凱源工業大廈一間餐廳近月遭老鼠攻陷，成為老鼠樂園！該餐廳前大廚稱：「最高紀錄1晚捉7隻老鼠！」工廈的五金舖和另一茶餐廳亦指不時見鼠蹤，惟有將罅隙密封和定期找滅蟲公司清潔杜鼠。
記者：郭美華 張 軍
「我做過咁多間餐廳，都未見過咁多老鼠！我哋自己食飯都食到老鼠屎，日日開工好似奏緊交響樂！」在凱源工業大廈一間餐廳任職僅1個月的阿Ken指，剛上班鼠患情況已叫他相當震驚，收舖後情況更嚴重，他形容老鼠幾乎反轉廚房，一箱箱雞蛋被咬爛，「佢哋（老鼠）咬爛個紙箱捐入去，咬爛啲蛋，搞到啲蛋汁流晒出來，成個即食麵食剩一啖，廚房麵粉四散，搞到一團糟。」職員更要每天用吸塵機吸走老鼠屎，「成地都係，掃餐死，啲枱底凳底全部係老鼠屎！」阿Ken坦言，收舖後全店放「老鼠膠陣」活捉老鼠，試過1晚捉到7隻。
該餐廳員工懷疑鼠患與樓上裝修有關，「可能逼咗老鼠過嚟，老闆一發現就搵滅蟲公司滅鼠，現時廚房日日洗，洗完先交畀下一更同事，呢排老鼠膠板都黐唔到老鼠。」餐廳公關Jerry亦指，鼠患已受控，叫食客放心。
食環署：已警告負責人
記者到場了解，發現1樓餐廳對開的兩個垃圾桶旁，垃圾隨地丟，衞生較差，但未見老鼠或曱甴。毗鄰一間五金店老闆黃生指：「夜晚見過一兩隻老鼠，唔知喺邊度嚟，惟有用老鼠膠黐佢哋。」茶餐廳經理潘女士指，開業一年多，初期都見鼠蹤，「開初有搵滅蟲公司每周清潔，封晒啲罅隙，防止老鼠走入，𠵱家間中都見有一隻半隻，喺工廈算正常。」
該工廈管理處指，清潔工每日都會倒垃圾，又在放樓梯、天台、垃圾桶周圍等位置放老鼠藥，暫未接過商戶有老鼠的投訴。
食環署回覆指，如食肆內有老鼠，已觸犯《食物業規例》，會被記5分，一年內被記15分需停牌7日。署方指，早前曾接獲上述工廈一間餐廳的投訴，已派員巡查，但無發現鼠蹤，但已警告食肆負責人保持環境衞生。
