前日宣佈辭職準備參選特首嘅林鄭月娥，講過好享受2000至2003年做社會福利署署長嘅日子，社福界立法會議員邵家臻噚日就搵埋工黨張超雄，整咗個林鄭社福政策成績表，幫林鄭埋單計數。邵家臻話，林鄭當年做署長時對社福界做成嘅傷口至今仲流緊血，公佈林鄭喺扶貧政策成績係U，因為香港堅尼系數越嚟越高；退休保障政策亦攞U，因為林鄭漠視民意；至於綜援政策，林鄭亦係攞U，因為佢做署長時削減綜援金額。
兩個議員對林鄭嘅整體評語係「態度強硬、自命不凡、官到有求理自歪，係689二號」，呼籲林鄭深刻反省，清楚交代未來承諾，否則社福界60個選委一定唔會畀票佢喎。