傑志同東方龍獅下周日爭銀牌冠軍，球員噚日先禮後兵送揮春，但當然要寸對方啦！傑志盧均宜送「滑不溜手」畀葉鴻輝，驚佢跣手喎！阿輝送番「快高長大」畀均宜；林嘉緯直頭寫「捲土重來」畀李康廉，叫東方下年再嚟過，仲話：「唔係你哋唔好，係我哋太勁箒！」康廉就送「一夫當關」畀佢，因為佢到時有排守。傑志新兵前匈牙利國腳華杜斯註冊完，可以上陣。