隨着政務司司長林鄭月娥請辭，唔少建制選委認為，跑馬仔選戰已經明朗化，只要睇吓中央批核佢同財政司司長曾俊華嘅辭職時間。據聞兩位司長嘅道別方式亦大不同，八方聽聞，林鄭日前喺有主要官員嘅核心會議，從容同大家say goodbye，但就冇請食散水餅，可能充滿信心I'll be back。至於財政司司長曾俊華則走得較匆忙，冇喺同一個會議上同其他人正式道別喎。
至今仲有人問點解反梁嘅建制派會挺林鄭，CY同林鄭嘅強硬治港路線一樣噃，有人就解釋路線相同箒，手法唔同先係關鍵，相信林鄭若然接任，有能力落實政策，單係呢點已經同CY好唔同。
據知林鄭近年因為扶貧同社區關懷工作，同較年輕嘅富二、三代建立良好關係，有工商界笑稱呢班年輕一代傾向「有為」、唔想俾人覺得「成功靠父幹」，難怪會傾向支持同樣「有為」嘅林鄭！