故宮香港分店，代號Project P，PP備忘高度保密：
a，必須滴水不漏，宮漏唔緊要，枱底交易不能漏。
b，前期顧問和後期顧問都是政治任務，邊個爆料，邊個被降罪，等斬九碌。
c，勿信偽語，當做文化項目來做，等於政治自殺。
d，程序公義廢嘅，特首緊急修例，取消任何形式的公眾諮詢，隻手遮天，宮蛾蓋地。
e，故宮設計，必須幫高官擋子彈。
f，解放軍宮中地下密室鎮守，唔使500萬，即批。
g，做好裝備，嚴防近距離觀賞時，假文物穿崩。
h，故宮分店的分店，唔使招標，落實在香港站。
i，分店藏品點都有幾成真，吸引廣西韋家幫湧港食大茶飯，姓韋的都會買奶粉，自由行熱番。
j，國家需索高，馬會35億一定唔夠埋單。銀彈最多的是國內首富，故宮準備被冠名。阿里故宮巴巴？爽！
k，故宮分店捉蟲，管理局承諾，將來會出限量版故宮痔瘡膏做伴手禮，司長買一送二。