綠色飲食越嚟越流行，青協就喺中環開咗間社企餐廳「Fat Choy」，主打綠色食物，希望推廣健康飲食文化。Fat Choy唔止得素食，仲有其他肉類食物，好似鴨肉沙律咁，配合唔同人嘅口味。新鮮食材大部份嚟自本地農莊，南瓜、番茄同好少食到嘅仙人掌就喺青協元朗八鄉嘅有機農莊入貨。
餐廳主廚池龍慶話，香港人對素食同減碳生活關注多咗，但仲係覺得素食無味，食沙律淨係得凱薩沙律。佢希望改變食客對綠色食物嘅傳統印象，要做到食菜都可以好有趣！池入廚超過16年，喺文華東方酒店做廚半年。佢覺得一般嘅高級餐飲習慣用食材最好嘅部份，其餘嘅位置就會棄掉，而佢認為應珍惜食物。青協督導主任鄧良順仲話，Fat Choy計劃聘請青協轉介嘅年輕人，餐廳會喺1月21日試業。