蔡約翰馬房今季來港的4歲澳洲自購馬「哈蝦巴爸」，暫時表現甚佳，在港跑三場均得亞軍，其演出顯示甚具質素，而且忠心準繩，不過硬係贏不到，例做二奶相當冇運。
「哈蝦巴爸」賽績上暫時生成二奶命，其實都有點邪，蓋此駒的馬身上，一早已印上「2」這個數目字，顯露玄機，原來「哈蝦巴爸」的烙號就是A2，當然兩者未必有關係。但烙號A1的「福穎」陣上名次又的確同「1」字有關，不過唔係跑第一，而係「福穎」在港兩次上陣都跑第11名。
「哈蝦巴爸」周六（14日）將跑三班田草1800米，回配雷神莫雷拉操刀，此駒已報打吡大賽，目前80分未必能入選，一定會努力爭分，今仗雷神騎賠率一定熱，但大家要小心又跑第二收場。