三浦知良，真係細細個就聽過佢個名，呢位曾經外流熱拿亞等球會嘅日本名將，周三宣佈同日乙FC橫濱續約多一季。Kazu過埋2月26號嘅生日，就會以50歲高齡征戰職業聯賽，亦延續32年球員生涯。雖然Kazu破盡日本紀錄，不過同世界紀錄仲有啲距離，烏拉圭有個叫羅拔圖卡莫拉嘅球員踢到54歲，所以Kazu要挑戰呢個紀錄仲要踢多四年。