太平洋酒吧（8432）（Bar Pacific）顧客幫襯佢啲酒及小食，最終換來嘔吐物，亦成為公司主要收入來源。截至2016年3月底止全年，BAR PACIFIC酒類飲品收入1.16億元，按年升12.6%，佔整體收入91.9%；5.2%收入來自小食，賣煙及掟鏢機收入僅佔2.6%。公司純利僅945萬元，按年升30%。如果除開本港經營32間舖，平均每間舖一個月收入33萬元、盈利2.5萬元，一間舖盈利原來同打份工差唔多。
相比Bar Pacific股份市值35億元，若除開32間分店，每間分店市值達1.09億元，假設未來保持每年盈利30萬元計，足足要363年才能翻本。
至於公司經營策略，喺上市文件亦講明「現有的酒吧全部皆有策略地分佈於住宅區或工業區附近一帶，而非黃金地段。」所以，Bar Pacific通常喺大家估唔到嘅位置出現，有可能喺閣下屋企樓下，策略主要係避開油尖咀、中環銅鑼灣等等嘅競爭。