金融科技係銀行業未來大勢,好多中小企都想多啲運用數碼化設備但又無從入手,咁,滙豐位新同事「Amy」就幫到你!咪搞錯,呢位靚女唔係真人,其實係今個星期,滙豐工商金融啱啱推出嘅虛擬助手「Ask Amy」數碼服務嘅女主角。
任何人只要進入滙豐工商金融公開網頁,唔使客戶登入程序,已經可以透過聊天室形式,向Amy姐即時查詢,例如問吓開戶要點、開信用狀收幾銀等等,如果提問觸及顧客私隱資料,Amy就會好醒目咁,叫你打番熱線同真人客戶服務主任聯絡。
滙豐發言人話,透過虛擬助手,客戶可以獲得多一個查詢渠道。話時話,點解虛擬助手叫Amy?據講冇乜特別原因,主要覺得A字開頭容易記,英國早前推出同類服務,虛擬助手叫Andrew,香港呢位叫Amy,就是如些。