有線寬頻旗下的奇妙電視將於5月中開台，不少節目已準備得如火如荼，有杜汶澤教煮餸及盧海鵬加盟。大前日網上瘋傳一張長髮少女站在荃灣港鐵站口，高舉「求包養、月薪面議」紙牌，事件引來極大迴響。有人覺得少女公然賣身冇廉恥，亦有毒男對該少女評頭品足。此出位之作，據知是奇妙電視的節目《吾男吾女》製作。
被指慳車馬費
昨日網媒就有一篇題為「求包養真相」的文章，筆者聲稱早前在一間收費電視台負責替娛樂新聞寫稿，目前已經離職，而這位少女正是電視台舊同事，同樣是一名撰稿員。事件經過是節目監製要找少女客串一個鏡頭，但事前沒有交代拍攝內容，最後變成街頭舉牌事件，怒指公司罔顧同事感受，連請臨記同車馬費都慳。
據悉相中少女名叫Kay，為有線電視員工，去年10月已遞信辭職，最後答應留至下月尾才離任，豈料臨尾被跣。奇妙電視外事部發言人回覆指「奇妙電視確認該照片為日前拍攝的社會實驗節目，並不會就個別評論作出回應。」該節目監製Billy接受電話訪問時說：「梗係知啦，你自己做呢行都好明，點會唔知（拍乜嘢）亦冇乜需要去呃去𠱁。不過事件已經交畀外事部，你問返佢哋，唔好意思。」其實早一日同台另一位女主播Joyee，亦以中英文寫着「我要錢去旅行」站街，有指是為另一節目《放試》做實驗。
Coffee講性經
另外，節目《吾男吾女》昨日在荃灣有線大樓舉行記者會，三位主持Coffee、樓南光及吳日言和嘉賓利嘉兒出席，現場放了性玩具震蛋、皮鞭等作示範。人妻吳日言笑言老公不知自己擔任主持，已有穩定大隻男友的Coffee，被眾人取笑經驗豐富，手持震蛋的她笑說自己太厲害，不用工具輔助。
採訪：卓寶花
攝影：葉君海
