【本報訊】大型超市上調年貨價格，但平民超市家興卻不加反減。家興老闆王重家指，其實部份年貨如丹麥藍罐曲奇等，來貨價未有上升，超市只為賺到盡而加價，「佢哋利錢係好犀利，其實香港嘅通貨膨脹，佢哋好有功勞」。
經濟轉差，市民着眼於平價貨，去年家興整體銷量上升兩成，然而領展容不下平價商店，家興即使自願加租四成，仍遭領展拒租，分店減至8間。
「大型超市利錢double」
家興出售的丹麥藍罐曲奇、瑞士蓮朱古力及瑞士糖等均是行貨，即貨源或與超市一樣。老闆王重家指，店舖一般以來貨價的兩成利潤標價，來貨價平便調低售價，「（大型超市）來價肯定平過我哋，因為佢購貨量好大，折扣係大過我哋，我哋賣呢個價都有錢賺，好明顯佢哋賺幾多」。
家興的藍罐曲奇908克裝售99元，他坦言已有兩成利潤；百佳及惠康卻售125.8元，相差27%，利潤自然大得多。他笑言兩大超市「只賺」五成利潤，「已經好有良心㗎喇」。
金莎24粒裝以家興最抵，他坦言屬水貨，是從意大利供應商取貨，因今年歐元下跌，來貨價較平，故能進一步調低售價至52.9元。
王重家稱曾聽聞經本港總代理取貨，來價約40餘元，「可想而知佢（大型超市售約95.5元至98.5元）個利錢係double（一倍）」。
一眾賀年禮品中，最好賣仍是金莎，去年家興賣出2萬多盒，今年則預備3萬盒應市。王看好朱古力賀年市場，瑞士蓮朱古力14粒裝今年更會以優惠價推出，單價60元，兩盒售110元，「搭的士嚟買都抵啦」，入貨量為去年3倍，預計可售出1.5萬盒。
去年零售市道不景，對於平價超市而言，反而有利發展，去年家興整體銷量上升兩成。惟因租約期滿，深水埗寶熙苑分店去年遭領展拒絕續租，王重家自願加租四成仍不果，直言不會再向領展租舖，目前除兩間分店屬房協外，其餘均是自己舖，毋須再擔心被拒租。
■記者伍雅謙、袁楚雙