【銅鑼灣】現年40歲的陳小韻，曾經是模特兒，加上其父是章小蕙舊愛「白頭陳」陳曜旻，她難免成為新聞人物，以前她曾在訪問中鬧爆章小蕙破壞其家庭。但自從99年她涉嫌在馬莎百貨偷八條內褲留案底後，便變得低調，兼離開社交圈，早年嫁給任投資銀行老公Kin後，現已是兩子之母，大仔Liam約5歲，細仔Oliver兩歲多，兩兄弟精靈活潑，跟爸爸更似到十足。
決定封肚
細仔出生後，陳小韻曾表示希望再追女，但湊小朋友壓力大，據知她已決定封肚。本報日前在銅鑼灣發現她一家四口享受親子樂。二人先將車泊在百德新街，然後行入食街搵食，不久就去了買雪糕。有雪糕食，兩個小朋友十分開心，眼甘甘望着雪糕櫃，想選自己喜歡的口味。二人見囝囝高度不夠，索性抱起讓他們自己選擇，小朋友左望右望，終於選好喜歡的味道，陳小韻便批准他們各自買一杯。原來他們到銅鑼灣只為了買雪糕食，一家四口邊行邊食，你一啖我一啖，之後就駕車離開，再去下一個地方。
採訪、攝影：徐錦池、吳耀輝
