練馬師蘇偉賢今朝沙田馬場晨課期間，同澳洲猛將柏寶喺機坪傾咗好耐，蘇偉賢更動作多多手舞足蹈，似在講解搏殺大計，柏寶則細心聆聽，顯得十分認真，可以話有晒搏殺手影。
這對騎練本周三(11日)快活谷夜賽，只合作第四場四班1650米「旅遊大使」一駒，兩人話題必在此駒身上。「旅遊大使」乃遲熟北半球馬，今季明顯進步冒勇，至今3戰同程谷草一哩取得1冠2季全上名，包括上仗12檔衰位亦得季軍，贏馬一役則8檔，可見此匹後上馬排中外檔影響不大，所以今仗縱使又12檔有弱點，卻未必是致命問題，加上柏寶身手出色，隨時可突圍而出。