曾經同古天樂合演林嶺東電影《謎城》嘅內地女星佟麗婭，佢同內地名導演兼演員陳思誠喺2014年結婚，但想唔到結婚兩年幾就出事，日前佢老公俾內地狗仔隊影到夜晚約美女食飯兼唱K，仲一齊喺酒店過夜。
當日兩女並唔係一齊入房，第一個女仔係疑似女演員齊齊，喺凌晨12點幾進入陳房間（圖），另一女子就喺凌晨兩點幾入房，陳思誠換咗白色浴袍，三人直到早上6點半都未出門。撰文：馮仁昭
