唔少股評人鍾意讚吓自己眼光準，石鏡泉（石Sir）噚日出席東亞（023）一個投資論壇時，就重申佢一早講咗特朗普會當選美國總統，又估中英國最終會脫歐咁話。
咁今年又點睇呢？石Sir估計，特朗普雖然成日話要令美國great again，但應該做唔到，主要因為人工低難振興消費。另一方面，佢認為，華為嘅電話、晶片已經超越蘋果公司，如果華為將來上市，「當咗條底褲都要買」!
講到「貼」投資板塊，石sir提議高科技、一帶一路板塊等，唔推薦銀行股，仲要踩主人家東亞，「雖然喺東亞個場，但都要講，銀行生意難做，一陣紀念品都唔知會唔會送個獎狀畀我」。