姚本輝馬房的「翡翠紅星」目前在跑馬地百萬挑戰盃排第7有30分，表面上排名不算前，但如果贏多一場增添15分，就可加至45分，超越榜首一對馬雙雙有40分之「開心駿馬」、「開心有你」。
本來「翡翠紅星」在本周三(11日)快活谷夜馬第八場二班1200米只列後備一，請纓無路，但點知正選馬「日威夜威」發燒在排位前退出，「翡翠紅星」得以補上配蔣嘉琦，仲抽得3檔好位，真係連環有運。
「翡翠紅星」同嘉琦BB究竟有幾合拍？騎3次贏3次囉！上仗同程谷草1200米用何澤堯落第，純因大幅加分後初上二班需要適應，兼12檔太差，但只輸3馬位左右，其實已算有水準，今仗回配最佳拍檔嘉琦兼有3檔，隨時真係登上百萬挑戰盃榜首。