青年新政梁頌恆同游蕙禎上個月決定就宣誓案上訴到終審法院，但上訴要有160萬保證金，所以佢哋舉行眾籌，目標喺1月9日籌到160萬。八方同事噚日搵過游BB睇吓佢達標未，雖然佢冇覆，不過佢哋個眾籌網就透露，截至本月6日只籌到約54萬元。噚日已經係9號嘞喎，即係唔夠錢上訴，游BB一定要拜拜？
代表游BB嘅文浩正律師話唔係，因為要等法庭知會係咪接受佢申請上訴先，如果接受嘞喎，先至開始計數，14日之內籌足錢就冇問題嘞。
雖則雙方都已經交晒文件畀法庭，但查實𠵱家連許可都未批出，所以點會係大限到？咁即係游BB仲有時間籌旗啦！