「娛樂大亨」林建岳（岳少）又有新餐廳開張。噚日佢喺灣仔有間東南亞餐廳「老巴剎」開張，兒子林孝賢、女兒林心兒好乖咁撐場，心兒仲不忘喺社交網站instagram幫爸爸宣傳，po咗醒獅短片同埋老巴剎宣傳車嘅相，寫住「Opening. Come check it out」。
岳少可能避談特首選戰，同傳媒冇乜兩句，華華問佢有冇特首心水人選，佢好風趣咁話「特首就冇喇，豬手就有」！
講番「老巴剎」餐廳，佢有好多名人幫襯，包括唐英年、任志剛等等，大廚兼負責人鍾樹棠（Billy）透露，餐廳好多日子已經book滿晒，要去到2月先有位，真誇張。