新年收到利是當然好開心，若然利是之外仲有真人版祝福短片，更加心滿意足！沙田新城市廣場今個農曆年創先河，設計備有Hologram 3D投射影像效果嘅尊貴版花語祝福利是封，到底係乜東東？原來係可以畀大家製作獨一無二、長約30秒嘅Hologram賀年短片，親友只要有利是封附送嘅投影膠片，以及載有短片嘅QR Code貼紙，就可以喺智能手機螢幕上折射出360度立體影像，接收祝福。
想要今年至潮嘅利是封？本月11日至27日期間喺商場消費滿指定金額就可以換領一套、並自製Hologram祝賀短片一次！場內嘅《花語祝福》緣滿園花藝裝置，仲有近20呎高嘅浪漫花影如意塔畀大家影相。