鄧英敏的囡囡、33歲前港姐鄧上文，2010年嫁給澳洲籍初戀男友Andrew，昨日順產誕下重8.24磅囝囝，取名Zion Callum Joy（樂峰），母子平安，七年抱三皆是兒子。
鄧英敏去年底知道即將做第三任外公，即搞笑謂儲齊三條King，他昨日接受電話訪問時雀躍說：「好開心，我𠵱家正式升呢做『三公』，即係三任公公，我要讚Shermon（鄧上文），8磅幾嘅B都可以順產，可能佢讀書時鍾意運動，係運動健將嚟，生B對佢嚟講冇困難，不如鼓勵佢生多個，三不離四，追個女都好，咁到時有四兄弟姊妹，玩乜嘢運動都不求人，打麻雀就四個啱啱好。」上文現為全職媽咪，照顧丈夫和家庭。
採訪：陳杰