王敏奕同曾國祥拍住拖行超市，嗰份愛意真係隔幾遠都feel得到！但感情絕對唔係一時三刻無啦啦彈出嚟嘅，睇番佢哋拍拖一路以嚟，都其實sweet到爆呀。
先講吓男仔，曾國祥嘅Instagram唔係更新得好密，女友嘅王敏奕相亦唔係好多，不過咁，之前曾國祥就貼相晒命，話女友親手幫佢煮咗碗麵，覺得好surprise。
食個麵就放上網，咁王敏奕呢？女仔喺感情呢方邊面就甜蜜好多，放上IG嘅兩人合照就一大堆，除咗一齊開餐、頭貼頭等，王敏奕之前留埋長文，幫男友執導嘅《七月與安生》宣傳，勁讚男友有才華，又謙卑。
早幾日仲要係王敏奕嘅生日，成個人飛撲咀男友，仲貼埋相上網，話多謝男友幫佢搞咗個surprise party，又留晒心心咁，睇個樣真係勁開心。