【黃雀在後?】今期隨時行先死先!

【黃雀在後?】
今期隨時行先死先!

禮拜三(11日)谷草夜馬用B跑道,今季四次同一移欄賽事,均見後追馬表現不俗,以最近12月7日為例,當晚分別有「亞馬寶寶」、「嫡愛寶」、「聚歡笑」及「超有利」從尾叠衝上反先對手勝出,「聚歡笑」及「超有利」更加走外叠蝕位照贏,所以靠後勁食糊嘅馬,絕不能輕視。

今次列陣馬中,第六場「首映」上仗正是於谷草B欄贏馬開齋,勝後等番同一移欄再跑,睇部署有心想添食。另外,第二場「威先生」歷季四次角逐谷草B欄賽事,取得兩冠一亞,今仗降入四班即重返強項,有力贏馬反彈。