【本報訊】新年想去年宵行大運又怕人多擠迫，錯過心水攤檔？先用網上地圖走一遍最穩陣。網店平台Boutir連續兩年推出維園年宵地圖，收集各年宵檔資料，先在手機App尋覓心頭好，再按圖索驥直闖目標。今年Boutir加強地圖功能，配合GPS定位助市民尋找心水年宵檔。
離線功能 網絡擠塞可用
Boutir聯合創辦人Eric說：「因為維園年宵實在太多人，好多人去唔到（攤檔前方）睇唔到有乜得意嘅嘢」，故萌生製作年宵地圖念頭。Boutir的手機App（圖）可顯示各年宵檔位置，市民也可瀏覽年宵各攤檔的產品，「好似一個攻略咁，預先叫檔主放（產品）上嚟，知道第幾行第幾格可以睇到，行年宵前就有目標。」
為令市民更易找到攤檔，Eric稱會強化地圖功能，利用Google定位功能，以GPS標示每檔位置，事前會到維園進行定位確保準確，為免太多人逛年宵致網絡擠塞，該App提供離線功能，可預先下載攤檔位置、產品等到手機。Eric指出，利用平台有助檔主宣傳，甚至可以預售商品。Boutir新年期間會派利是代碼，輸入代碼在平台購物即可減8元。
Boutir網址 http://www.boutir.com
■記者佘錦洪