如果美食被「加料」，就算味道再好，都好難食得落肚。
最近四個賽日豪奪10場勝利嘅潘頓，氣勢如虹。但佢靚老婆Nicole就唔係咁好彩，話說日前佢喺超級市場買完沙律，帶返屋企準備開餐之際，突然發現有隻死草蜢喺裏面，而隻草蜢都有成大約兩、三厘米長。
Nicole話齋好彩冇食落肚，亦好彩係於老公潘頓生日（3日）之後發生，如果唔係都會幾掃興。
而無巧不成話，潘頓今期有匹戰馬叫「有禮」，一直於大摩麾下接受訓練，將會角逐周日（8日）第四場四班1200米泥地。如今發生呢單超市「送大禮」事件之後，唔知潘頓會唔會咁「應景」，憑「有禮」增添頭馬承傳今年的強勁氣勢呢？