【聚會玩意】唔准Google　卡通人物繪畫大賽

【聚會玩意】唔准Google　卡通人物繪畫大賽

早兩日網上流傳多張卡通人物插畫，只見比卡超、麵包超人、Hello Kitty等大家熟悉的卡通人物全都中了面目全非腳，就好似山寨版咁中曬幅射，介乎於認到與認唔到之間。原來是出自本地插畫家溫嘉寶（Wankapo）與朋友於除夕聚會時玩的簡單遊戲，亦是她朋友讀書經常玩的小遊戲，即使大家等車時沒事做也可以隨時玩，其實要同朋友玩都唔一定大費周章，唔靠google大家的記憶力又如何呢？這個遊戲只需紙和筆，以猜猜畫畫的方法畫出大家記憶中的卡通人物模樣，而重點是唔准Google搵圖參考，難度隨即升級，對於畫功比較差的朋友來說，絕對是製造笑點的好時機！

記者：畢慧婷

世事就係明明諗到個卡通人物係點，但係點都畫唔出個神髓。（圖片來源：溫嘉寶 facebook）

大前提係要大家都認識的卡通人物，呢個時候硬係想Google望吓。（圖片來源：溫嘉寶 facebook）

果籽幾位同事都來一個唔准 google 卡通人物繪畫大賽，上層畫熊本熊，絕對唔係薑餅人，下層係進化版比卡超。