大美人關之琳果然鍾意投資磚頭，佢早前以1.43億元沽出壽臣山道東1號洋房，市場轉頭就有消息指，佢最近以公司股權轉讓方式，斥資1.35億元，買入中半山地利根德閣3座一個高層C單位，實用面積2,903呎，呎價4.65萬元。
暫時公司註冊處未見股東與董事名字有變，若交易落實，呎價將創下地利根德閣新高紀錄。而單位原業主2005年透過公司名義以4,441萬元買入，有望賺9,059萬。
地利根德閣建有3座，其中第3座是樓齡最新，迄今23年。城中唔少富豪都係呢個屋苑業主，如I.T（999）主席沈嘉偉，同埋慕詩國際（130）主席陳欽杰都係該廈業主，另一位大美人李嘉欣亦曾經住過呢度。