內地人真特別，有中資公司開個會都會奏國歌、灑晒彩紙。講緊嘅係中國恒大（3333），佢舊年趁萬科被人「分屍」做咗銷售一哥，合約銷售逾3,700億元人仔。
近期網上就流傳一段短片，係恒大主席許家印同公司成班黑衣主管坐喺一間會議室，突然播國歌兼叫全體起立，叫大家以熱烈掌聲祝賀恒大成為全球第一大房地產企業，仲無啦啦爆晒彩紙，畫面都幾騎呢。
許家印仲好有feel咁話，恒大「今天的輝煌是每一位恒大人用無數的心血和汗水換來的」，又連續話我們一路走來，「我們不容易！我們非常的不容易！」
最搞笑係，內地有網民質疑，國歌唔係話播就播，要根據《關於規範國歌奏唱禮儀的實施意見》處理，重要慶典或政治公眾集會等正式場合先播比較好喎。