「錢家有道」廣告近半年不停出現，相信大家對佢背後嘅投資者教育中心都增加咗啲親切感。中心今年起有位新主席，就係財金界公職王黃天祐（Kelvin），而前任嘅鄭國漢，亦已經喺今年元旦日完成4年工作卸任。
Kelvin本身係中遠海運港口（1199，前稱中遠太平洋）董事副總經理，亦係證監會非執董、財務匯報局成員，曾任上市委員會成員6年，其他公職包括廉署防止貪污諮詢委員會委員、體育學院董事等等。
投資者教育中心經費來自證監會，由證監會非執董做主席都算合情理。唔知Kelvin喺財金界打滾多年，見識過唔少股壇古靈精怪招數，會唔會幫投資者教育中心嘅活動，再加啲新意思呢？