巴西騎師唔係淨得雷神莫雷拉識贏馬，佢鄉里「猛人輝」蘇兆輝都係數糊高手。
英國前冠軍騎師蘇兆輝近日完全重拾猛人本色，繼對上兩次賽事分別中三元及贏一場後，這晚猛人輝在頭場以「盈喜悅」搏輸做阿二冇氣餒，跟住第二場四班1200米，即憑吳定強馬房「富萬家」爆冷補中，此駒單Win及組合獨贏A2分別派125及39元。
「富萬家」近乎一放到底輕勝四分三馬位，蘇兆輝跨年連勝三個賽日共贏五場，今季在港頭馬剛好到達雙位數十場，戰績穩步上揚。至於吳定強以「富萬家」首次於新一年贏馬後，今季增至五Win，全屬快活谷，沙田捧蛋，距離16Win畢業仍然漫漫長路，惟該駒成為吳廐季內新一匹兩捷馬，替女馬主周巧兒帶來歡樂。
吳定強表示「富萬家」適宜跑更長途程，上場加了交叉鼻箍得亞軍，效果正面，因為此馬比較搶口，口部敏感，很容易張開大口，加了此配備確實有所幫助。吳定強又透露原本今場教導馬匹留後跑，但既然牠在蘇兆輝胯下放得如此輕鬆，也是好事。吳定強指蘇兆輝是冠軍級騎師，發揮方面不用擔心，結果亦順利取勝。
第二場二至四名順序為落飛馬「得意繽紛」、大熱門「英姿茂盛」及半冷門「騏名燈」，四重彩派5,547元。