楊政龍為追何超蓮有傳借張敬軒、蔡卓妍等做煙幕，昨晚軒仔在九龍灣出席港台頒獎禮，被問到是否促成兩人好事時，他否認：「唔係促成，大家都知道佢哋係契哥契妹。」問到兩人有否發展空間？軒仔代為肯定說：「冇，佢哋由細玩到大，作為長輩都好照顧超蓮，個個都想錫佢照顧佢，大家唔好喺呢方面問。」還連說三次：「真係唔係。」
至於被影到玩照燈，軒仔笑說：「其實大家傾緊好專業問題，一班朋友都係事業心好重朋友，佢哋都知我係相學大師識睇全相，教佢哋睇事業線，超蓮都係事業心好重，佢係好純品同可愛女仔。」對於被爆講鹹濕笑話，軒仔說：「大家知我係乜嘢人，都係𠱁大家開心，我哋都有講阿Sa同楊千嬅條線，又粗又長，係講佢哋對腳，大家只係講笑。」
採訪：王連連
攝影：沈健程