西班牙網球手拿度早前因手腕有傷唞咗約兩個半月，令唔少粉絲擔心呢位「泥地王」復出後嘅狀態。不過，周二佢喺布里斯班網賽男單首圈只用咗75分鐘，就直落兩盤6:3擊敗烏克蘭嘅杜高普諾夫，晉級次圈後會對德國球手施華利夫。同樣久休復出嘅「細威」莎蓮娜就冇咁好彩，周三喺奧克蘭網賽女單次圈爆冷以1:2輸畀同胞比歌。