美國理財專家大衛．巴哈（David Bach）教路，千禧世代想踏上致富之路，應該把握買樓時機，仲話供樓不如租樓，起碼最後有層樓揸手。
50歲嘅巴哈未做全職財經作家前，喺投行界打滾咗成十年，累積豐富理財經驗。寫過12本書嘅巴哈，2004年出版嘅《自動百萬富翁》，連續31個星期登上暢銷書榜第一位。本書話無論租樓同供樓，兩者同樣要畀錢，分別係樓奴最後有層樓，租樓嘅人得個吉，因為買樓嘅人才累積財富。佢亦話自己最醒嘅投資就係自置三個住宅物業。
巴哈強調，買樓先能夠踏上發達之路，冇置業計劃嘅新世代可能鑄成大錯。若果千禧一代唔買樓自住，佢哋實際擁有財富嘅機會微乎其微，甚至係零。喺美國嘅有樓一族，平均財富比租樓人士多38倍咁話。