呢場曼聯贏韋斯咸係得益於球證誤判係事實，就算係魔迷都不得不承認。不過，紅魔領隊摩連奴就話，球隊今季多次成為誤判嘅受害者。我求大俠識嘅魔迷都話，今季曼聯被針對咁多次，着數番一次都得啩！
上場曼聯贏米杜士堡2:1嗰陣，球證李美臣嘅判決好受爭議；伊巴入靚波被吹詐糊（圖），之後安東尼馬迪爾被人踢跌又冇12碼。到今場，曼聯受到嘅對待就完全唔同。賽後摩佬話：「我睇唔到菲侯利拎紅牌嘅動作，因為我太遠。呢季我學識好多嘢，因為我哋面對太多爭議決判，我要識去處理。我面對過伊巴嘅靚入波無效，仲有對水晶宮嗰陣漏判我哋一個12碼，實在太多誤判！」英國《曼徹斯特晚報》早前出過個專題，講曼聯今季已經至少面對14次球證誤判。