過去十幾年農曆新年前夕都會落區獻技，為居民畫年畫嘅西貢區議員范國威，無論係唔係立法會議員，都繼續佢呢個傳統。原來佢已經開始巡遊新東畫水墨年畫嘅大計，噚日首站去到粉嶺將軍澳開檔，居民大排長龍索取。
成個1月巡遊新東
咖喱范畢業於美國三藩市美術大學，畫功毋庸置疑，而且熟能生巧，佢同八方講，可以極速17秒畫到3隻雞，係咪好厲害呢？原來佢將畫3隻雞嘅短片濃縮成17秒短片箒。
咁多個生肖中，雞係咪最難畫呢？咖喱范話唔算，但細節位會比較多！佢今年仲特別預備4款雞年水墨年畫，其中3款係傳統嘅意筆水墨年畫，另有一款係仿效雞公碗嘅畫風，較古拙，任君選擇。咖喱范話明會巡遊新東各區開檔，佢已經預咗成個1月落區畫年畫同寫揮春嘞，預計會畫約1,000幅。