周一曼城以2:1險勝般尼嗰場英超，球證嘅執法水平都成為焦點，賽後「藍月」嘅領隊哥迪奧拿亦都唔多滿意球證李美臣，對於中場費蘭甸奴喺比賽初段因侵犯貝治古蒙臣被逐，哥帥話：「費蘭甸奴嘅犯規我睇唔到，我淨係睇到我哋嘅門將哥迪奧巴禾成日俾人侵犯啫！」哥帥亦再次重申，可能執教完藍月後就會退休。佢話：「呢個係我嘅決定，曼城可能係我執教嘅最後一支球隊。」
