角逐周三晚(4日)第七場1800米一月盃的「馬上發財」，上場出戰香港盃得第六名，只距離頭馬「滿樂時」約4個馬位，表現不俗，今仗再出移師快活谷，兼降呢跑三級賽，對手明顯大大減弱。
「馬上發財」馬主團體成員胡啟初說：「星期三夜賽，我有兩隻馬出賽，第七場三級賽的『馬上發財』幸運地搵到蘇兆輝騎和排得2檔，希望一出閘沿途守到好位，盡量跑得好一點啦，因為今場磅位重少少(133磅)。另外，我還有個人的『海嵐一號』上陣，配蔣嘉琦爭第四場四班1650米。『海嵐一號』今場排檔不太好(9檔)，但會盡量用前領戰術，希望克服外檔阻力，力求直放到底。」
「馬上發財」今季喺沙田贏過「喜蓮獎星」奪得婦女銀袋賽，「喜蓮獎星」後來喺香港一哩錦標亦得亞軍，可見「馬上發財」實力之強，加上今仗谷草1800米路程「馬上發財」兩戰非冠即亞，路有專長，更加值得信賴。