曼聯呢期走勢強勁，主因之一梗係35歲嘅瑞典前鋒伊巴謙莫域（圖）老當益壯，雖然除夕夜對米杜士堡入球靚波被枉判越位唔入，但喺2016年聯賽已經入咗50球波，僅次美斯。伊巴今季加盟曼聯後有過入球荒惹嚟唔少批評，趁近排回勇，佢老人家仲唔出嚟寸番呢班友仔？「我決定出戰英超嗰陣，唔少人都唔睇好我；不過，一如以往咁啦，呢班友又要收聲食波子啦。」咩係波子？淨係男人先有，太粗鄙我求大俠就不解釋咯。
