覺得唱大戲好out？咁嘅諗法就真係out嘞，其實近年掀起一片本土熱潮，粵劇呢種本土文化都成為潮流，唔少後生仔都去學㗎！時代廣場就喺今個新年力推呢種地道文化，免費請大家潮睇大戲！
呢次做大戲嘅主角全部都係年輕人嚟㗎，劇目全部都由20、30歲嘅後生仔女擔大旗，1月14日起至2月5日嘅周六及日連開10場，每節半小時，等市民欣賞吓呢種非物質文化遺產。八方聽聞佢哋因應新年，揀嘅劇目都好應節，例如係為市民送上添壽、添丁、加官進爵嘅祝福等，務求令大家新一年開開心心。
睇完大戲心思思想做埋一份？唔係妙想天開㗎，皆因露天廣場屆時會設置照相館，畀大家扮花旦或大老倌，粉墨登場影相留念，加埋恭賀詞send畀親友祝賀一番，獨特創新又點會out？