一般人將隻手浸喺水入面耐啲，手指都好容易會皺晒，而對於長時間要留喺泳池進行訓練嘅泳將，隨時會令到指紋變得勁模糊！新任中國泳隊隊長孫楊近日就大爆，自己喺多年訓練後，基本上十隻手指嘅指紋都差唔多消失晒：「好多國家出入境都要素描指紋，不過因為我對手嘅指紋都唔見晒，所以都幾麻煩。」不過，孫楊就話呢啲係自己努力嘅證明，仲好引以為傲㖭；佢仲話要更加努力訓練，帶領中國泳隊征戰世界各地。