雷神莫雷拉剛戰只贏一匹綠魔「有得威」，摘下1400米三級賽華商會盃。同日卻輸掉唔少熱門座騎，搞到大量雷粉焦頭爛額。不過，雷神本周三(4日)快活谷夜賽，卻隨時來個大反撲連場數糊，事關雷神今期8匹座騎，堪稱超豪華陣容， 其中6駒於上仗跑入前四名，近績及狀態均十分可靠。例如第五場三班1800米的「精算博奕」，剛戰得殿軍輸唔夠一馬位，係今季跑得最接近一仗，反映季初沉了一輪回氣後，已漸復上季水準，今次雷神唔放手繼續騎，抽個4檔好位，加上初戴眼罩及只負118磅，相信不難為雷神在騎師王增添分數。